“श्वास जरी घेत असले”

‘श्वास’ जरी घेत असले प्राण-प्राण तुझा आहे
तुजविन जरी जगत असले; जगणे सुद्धा ‘मरण’आहे

‘वाट’ जरी चालत असले, मार्ग मात्र तुझा आहे
तुजविन जगण्यातला ‘अट्टहास’ देखील तुझा आहे

हाक जरी देत असले, नाव मात्र तुझे आहे
तुच दिसतो जिथे-तिथे, मनी तुझा ‘भाव’आहे

उमलली जरी पाकळी, ‘स्पर्श’मात्र तुझा आहे
तुच उगवले रोपटे नवे, ‘आधार’ही तुझा आहे 

सुकली जरी ‘फुले’ सगळी, गंध मात्र शाबुत आहे
ऊगा कशाला घाबरतोस, जन्म-जन्म तुझा आहे


-राम